गोरखाका चर्चित गायक, सर्जक तथा मोडल रायन बस्यालले आफ्नो जन्मदिनको अवसर पारेर दर्शकमाझ लोकप्रिय गीत ‘घामको झुल्को’ को दोस्रो भाग ‘घामको झुल्को–२’ ल्याउने घोषणा गरेका छन्।
पछिल्लो समय फरक–फरक स्वादका गीतसंगीत प्रस्तुत गर्दै आएका बस्यालले आज मंसिर ३ गते परेको आफ्नो जन्मदिनको अवसरमा नयाँ गीत ल्याउने घोषणा गरेका हुन्।
उनको पहिलो गीत ‘घामको झुल्को’ लाई दर्शक तथा स्रोताले अत्यधिक रुचाएका थिए। सोही गीतको निरन्तरताका रूपमा आउन लागेको ‘घामको झुल्को–२’ मा लोकप्रिय गायिका शान्तिश्री परियारले पनि स्वरमा साथ दिने भएकी छन्।
बस्याल र गायिका परियारले भिडियो सन्देशमार्फत दुवै जनाको सहकार्यमा गीत ल्याउने तयारी भइरहेको जानकारी दिएका हुन्।
‘घामको झुल्को–२’ को घोषणासँगै रायनका शुभेच्छुक तथा संगीतप्रेमी दर्शक–स्रोतामाझ नयाँ गीतप्रति उत्सुकता बढेको छ।
प्रतिक्रियाहरू (0)