काठमाडौं । अन्य जिल्लाबाट नेपाली नागरिकता लिएका नागरिकले अब काठमाडौं उपत्यकाबाटै नागरिकताको प्रतिलिपि लिन सक्ने भएका छन्।
यसअघि नागरिकताको प्रतिलिपि लिन नागरिकता जारी भएको जिल्लामै पुग्नुपर्ने बाध्यता थियो। नयाँ व्यवस्थासँगै काठमाडौं उपत्यकामा बसोबास गर्ने नागरिकलाई नागरिकताको प्रतिलिपि लिन सहज हुने भएको छ।
यस व्यवस्थाले विशेषगरी रोजगारी, अध्ययन तथा अन्य कामका सिलसिलामा काठमाडौं उपत्यकामा बसोबास गर्दै आएका नागरिकलाई राहत पुग्ने अपेक्षा गरिएको छ।
नागरिकता सम्बन्धी सेवा सहज र सरल बनाउने उद्देश्यले गरिएको यस व्यवस्थाले सेवाग्राहीको समय र खर्च दुवै बचत हुने विश्वास गरिएको छ।
प्रतिक्रियाहरू (0)